إنتشار مقطع فيديو لمواطن سوري من أصل تركماني وهو يوجه رسالة لمجموعة من المواطنين الأتراك دفاعاً عن السوريين ومواقف السوريين من التركمان واللذين هم في الأساس مواطنين أتراك عاشوا في سوريا وحصلوا على جنسيتها منذ زمن طويل.
وقال الشاب السوري انا اصلي تركي ونحن بسوريا 3 مليون تركماني كلنا مجنسين والعرب لم يطردونا من سوريا وما غلطوا بحقنا وعطونا الجنسية متلنا متلن.
نحن هون كلنا عم نشتغل ماحدا عم يقبض راتب كلو كذب ماحدا عم ياخد شي،
اوروبا وتركيا اتفقوا انو يحلوا ازمة اللاجئين واوروبا عم تعطي تركيا ع كل سورية أرملة وطفل 120 ليرة وانا ماااخدت فرنك واحد وماحدا اخد فرنك ولا حدا عم ياخد راتب والمصاري من اوروبا مو من تركيا.
بزمن النبي عليه الصلاة والسلام خرج من مكة للمدينة هل هو كان خاين حاشاه “” “،أكيد لأ
ونحن كمان طلعنا لانو بسوريا حرب اهلية مين بدك تقتل ومين بدك تحارب ما عنا احتلال واحد كل الدول عنا بالبلد وبزمن النبي في شخص اجا يحارب وعندو ابوه وامه عايشين قلو روح طلع ع ابوك وامك افضل من جهادك بالحرب وقلو يعني كل البشر بزمن النبي عم يحاربو يعني؟؟
لو بدي حارب مرتي وبنتي طالعتن من سوريا لهون مشان ما يموتوا وما يموتوا و انا هلأ اذا رحت لحارب مين رح يطلع ع عيلتي، مين رح يعيشن.
الجيش الحر؟ هو اللي عم يحارب بسوريا مع الجيش التركي.
واختتم قوله بالقول: بسوريا 3 مليون تركماني كلن معن جنسية ما حدا غلط بحقن والعرب ما قلعونا من سوريا كونوا منصفين شوي بحق السوريين.